मन्त्री यादवले कुनै काम गर्न नसकेको मधेस प्रदेश प्रमुख मिश्रको गुनासो
फरकधार / १३ फागुन, २०७८

मधेस प्रदेशका प्रमुख हरिशंकर मिश्रले पार्टीबाट सरकारमा सहभागी भएका भौतिक पूर्वाधार विकासमन्त्री रामसरोज यादवले अहिलेसम्म कुनै काम गर्न नसकेको भन्दै दुःख व्यक्त गरेका छन् । 

नेपाली कांग्रेसका संस्थापक नेता स्वर्गीय महेन्द्रनारायण निधिको शतवार्षिकी जन्म जयन्ती समारोहलाई सम्बोधन गर्दै मिश्रले पार्टीको हितभन्दा पनि मन्त्री यादव आफ्नो आसेपासे र नातागोतामा मात्र केन्द्रित बनेको आरोप लगाए । 

नेपाली कांग्रेस क्षेत्रीय कार्यसमिति प्रतिनिधिसभा क्षेत्र नम्बर–३ ले शुक्रबार जनकपुरधाममा आयोजना गरेको समारोहलाई सम्बोधन गर्दै उनले मन्त्री यादवले महेन्द्र नारायण निधि र रामनारायण मिश्रको नाममा ६ महिना अगाडि नै करोडौँको योजना घोषणा गरे पनि अहिलेसम्म डीपीआरसमेत बनाउन नसकेको भन्दै गुनासोसमेत पोखे ।  



मिश्रले अहिले कांग्रेसमा आपसी सद्भाव र सहयोग समाप्त भई गुट र उपगुटको राजनीति चलिरहेको भन्दै दुःख व्यक्त गरे । कांग्रेस धनुषा क्षेत्र नंं ३ का क्षेत्रीय सभापति श्याम निधिको अध्यक्षतामा भएको कार्यक्रममा पार्टीका सहमहामन्त्री महेन्द्र यादव, केन्द्रीय सदस्य रामकृष्ण यादवलगायतका नेताको उपस्थिति रहेको थियो ।



  • प्रकाशित मिति : फागुन १३, २०७८ शुक्रबार १९:४४:११,   अन्तिम अपडेट : फागुन १३, २०७८ शुक्रबार १९:५०:४५

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया