मनोनयन दर्ता सुरु भएको पहिलो दिन आइतबार विराटनगरमा ५७ जनाले उम्मेदवारी दर्ता गराएका छन् ।
उम्मेदवारी दर्ता सुरु भएको पहिलो दिन अहिलेका कुनै पनि ठूला दलले उम्मेदवारी दर्ता गराएनन् ।
साना दल र स्वतन्त्र गरि आइतबार ५७ जनाले मात्र उम्मेदवारी दर्ता गराएको मुख्य निर्वाचन अधिकृतको कार्यालयका सूचना अधिकार हेमबहादुर बुढाथोकीले जानकारी दिए ।
उनका अनुसार आइतबार ३६ जना वडा सदस्य, १८ जना वडाध्यक्ष र तीन जनाको मेयरमा उम्मेदवारी परेको छ ।
मेयरमा जसपा परित्याग गरेको घोषणा गरेका उमेश यादव र सकृय गौतमले स्वतन्त्र उम्मेदवारी दिएका छन् ।
त्यस्तै सिके राउत नेतृत्वको जनमत पार्टीका तर्फबाट अरुणकुमार मण्डलले उम्मेदवारी दिएका छन् । उनी सो पार्टीका महानगर समिति अध्यक्ष हुन् ।
उपमेयरमा भने एक जनाको पनि उम्मेदवारी नपरेको बुढाथोकीले बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
