मोरङको कानेपोखरी गाउँपालिकामा नेकपा (एमाले) ले अग्रता बढाउँदै लगेको छ ।
गाउँपालिका अध्यक्ष र उपाध्यक्ष दुवै पदमा एमालेले मतान्तर बढाउँदै लगेको हो । पछिल्लो अपडेटअनुसार २ हजार ४०० मतगणना हुँदा गाउँपालिकाको अध्यक्षमा एमालेकी राजमती इङ्नामले ९६७ मत प्राप्त गरेकी छन् ।
उनका निकटतम प्रतिद्वन्द्वी नेपाली कांग्रेसका सञ्जय भट्टराईले ६०७ मत प्राप्त गरेका छन् । त्यस्तै, माओवादी केन्द्रका सूर्य धिमालले ४३२ मत प्राप्त गरेका छन् ।
उपाध्यक्षमा पनि एमालेकै भोला अधिकारी १०२४ मतसहित शीर्ष स्थानमा छन् । उनका प्रतिद्वन्द्वी कांग्रेसकी मनकुमारी गुरुङले ७४८ मत प्राप्त गर्दा माओवादीका तारा ओझाले ६६८ मत ल्याएकी छिन् ।
गाउँपालिकाको वडा नम्बर १ मा १ हजार ३०० मत गणना गर्दा एमालेका वडाध्यक्ष उम्मेदवारले ६६५ र कांग्रेस उम्मेदवारले ५०२ मत ल्याएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
