महोत्तरीको औरही नगरपालिकामा लोकतान्त्रिक समाजवादी पार्टी नेपालका मेयर र उपमेयर निर्वाचित भएका छन् ।
मेयरमा लोसपाका प्रदीपकुमार खड्का ६ हजार ६७ मत ल्याएर निर्वाचित भएका हुन् ।
उनका निकटतम प्रतिद्वन्द्वी नेपाली कांग्रेसका सुनिल कुमार यादवले ५ हजार ७४७ मत पाएका छन् ।
त्यस्तै, नेकपा एमालेका सरोज कुमार रायले ४५१ मत मात्र पाएका छन् ।
यस्तै उपमेयरमा लोसपाकै रेणु झा निर्वाचित भएकी छन् ।
उनले ५ हजार ८०८ मत ल्याएकी छन् भने उनका निकटतम प्रतिद्वन्द्वी नेपाली कांग्रेसकी रेखा यादवले ५ हजार ६०५ मत ल्याएकी हुन् ।
त्यस्तै, नेकपा एमालेकी राधा कुमारी खतिवडाले ५२३ मत मात्र पाउन सकेकी छन् ।
औरही नगरपालिकाको ९ मध्ये ५ वडामा लोसपा र ४ वडामा कांग्रेसका उम्मेदवारहरु जितेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।