बैतडीमा चट्याङ लागेर एक महिला घाइते भएकी छन् । घाइते हुनेमा जिल्लाको दोगडाकेदार गाउँपालिका–२ बडियाकी ४० वर्षीया सुनादेवी विष्ट रहेकी छन् । आइतबार अपराह्न ४ बजेतिर तिर चट्याङ लागेर विष्ट घाइते भएकी प्रहरीले जनाएको छ ।
चट्याङ लागेर उनले पालेका तीन बाख्रासमेत मरेको जिल्ला प्रहरी कार्यालय बैतडीका प्रहरी प्रवक्ता एवंम प्रहरी निरीक्षक लोकराज जोशीले जानकारी दिए ।
घाइतेको स्थानीय मेडिकलमा उपचार गरिएको छ । चट्याङका कारण घरको वाइरिङमा पनि क्षति भएको स्थानीय काशी सिंह विष्टले बताए ।
चट्याङ लागेर शनिबार दोगडाकेदार–७ मा एक भैँसीसमेत मरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
