राष्ट्रपति विद्यादेवी भण्डारीले आफ्नो सुरक्षामा खटिएका वर्तमान र पूर्वसुरक्षा अधिकारीलाई भेटका लागि शीतल निवास बोलाएकी छन् ।
राष्ट्रपति भण्डारीले बुधबार भेटका लागि उनीहरूलाई शीतल निवासमा बोलाएकी हुन् ।
नेपाली सेनासहित राष्ट्रपतिको सुरक्षामा खटिएका सुरक्षा निकायका पूर्व र वर्तमान अधिकारीहरूसँग राष्ट्रपति भण्डारीले भेट गरेकी हुन् ।
राष्ट्रपति नेपाली सेनाको परमाधिपतिसमेत हुन् । राष्ट्रपतिका लागि सेनाको टुकडी परिचालन हुन्छ ।
आफूले सन्देशसहित फिर्ता पठाएको नागरिकता विधेयक प्रतिनिधिसभाले हुबहु पुन: अनुमोदन गरेपछि असन्तुष्ट रहेकी राष्ट्रपति भण्डारी आफ्नो सुरक्षामा खटिएका अधिकारीहरूसँग भेट गर्नुलाई अर्थपूर्ण रूपमा हेरिएको छ ।
दोस्रो कार्यकालको अन्तिम चरणमा रहेकी राष्टपति भण्डारीले यसअघि विभिन्न पेसा व्यवसायका व्यक्तिलाई भेट गरेकी थिइन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।