निलम्बित प्रधानन्यायाधीश चोलेन्द्र शमशेर जबराले महाभियोग सिफारिस समितिका सदस्यलाई डेढ घण्टा कुरेका छन् ।
समितिले बयानका लागि डाकेपछि सिंहदरबारस्थित महाभियोग सिफारिस समितिको कार्यालय पुगेका जबरा डेढ घण्टा सांसदहरूलाई कुरेर बसेका थिए ।
बयानका लागि ११ बजे बोलाएको भए तापनि समिति सदस्यहरू समयमै नआउँदा जबराले उनीहरूलाई पर्खेर बस्नुपरेको हो ।
गत १ फागुनमा जबराविरुद्ध सत्तारूढ दलका सांसदले महाभियोग प्रस्ताव प्रतिनिधिसभामा दर्ता गरेका थिए । त्यसको ६ महिनापछि महाभियोग सिफारिस समिति बनेको हो ।
जसअनुसार प्रतिनिधिसभाले गठन गरेको महाभियोग सिफारिस समितिले बयानका लागि उनलाई बुधबार बोलाएको हो ।
तर, समिति सदस्य नै समयमा नआएपछि जबरा कुरेर बस्न बाध्य भएका हुन् । करिब डेढ घण्टाको प्रतीक्षा पछि समितिका सदस्यहरू कार्यालयमा आएका थिए ।
जबरालाई सोध्न ४३ वटा प्रश्न तयार पारेको समितिको बुधबार ढिलोगरी बैठक सुरु भएको हो । साे बैठकमा जबराकाे बयान पनि सुरु भएकाे छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
