भियतनाममा जारी एएफसी यू–१७ एसियन कप छनोटअन्तर्गत समूह चरणको अन्तिम खेलमा नेपालले आज चाइनिज ताइपेको सामना गर्दैछ ।
खेल फु थोस्थित भियत त्रि स्टेडियममा दिउँसो पौने ३ बजे सुरु हुनेछ । ताइपेविरुद्ध मैदान उत्रँदा नेपाल पहिलो तथा सान्त्वना जितको खोजीमा हुनेछ । ताइपे पनि पहिलो जितको योजनामा छ ।
समूह ‘एफ’ मा रहेको नेपाल र ताइपे अंक विहीन छन् । दुवै टोली प्रतियोगिताबाट बाहिरिइसकेका छन् । तर, अन्तिम खेलमा जित निकाल्दै दुवै टोली सान्त्वना जितसहित घर फर्कन चाहन्छ । नेपाल यसअघि थाइल्यान्डसँग ३–० र आयोजक भियतनामसँग ५–० ले पराजित भएको थियो ।
नेपाल समूहको पुछार तथा ताइपे तेस्रो स्थानमा छन् । ताइपे पनि भियतनामसँग ४–० र थाइल्यान्डसँग ३–१ ले पराजित भएको थियो । भियतनाम ६ अंक जोडेर शीर्ष स्थानमा रहँदा थाइल्यान्ड पनि समान अङ्कका साथ दोस्रो स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
