नक्कली चिकित्सकको आरोपमा प्रहरीले सुर्खेतमा एकजनालाई पक्राउ गरेको छ । पक्राउ पर्नेमा जाजरकोटको शिवालय गाउँपालिका–१ घर भएका २२ वर्षीय डिलबहादुर महतरा रहेका छन् ।
दाँत दुखेको समस्यामा उक्त दाँतसहित अर्को दाँत पनि निकाल्दिएपछि एक बिरामीले उनका विरुद्व प्रहरीका नक्कली चिकित्सक भएको जनाउँदै उजुरी दिएका थिए ।
वीरेन्द्रनगर–६ मा उनी आफैँले सञ्चालनमा ल्याएको समाज डेन्टर केयर क्लिनिकमा एक महिला दाँतको उपचारका लागि पुगेकी थिइन् । दाँत दुखेको समस्या लिएर पुगेकी उनले महतराको सुझाबअनुसार दुखेको दाँत फाल्ने निधो गरिन् । तर, महतराले भने दुखेको दाँतसँगै अर्को पनि दाँत निकालिदिए ।
सो पछि दाँतबाट अत्यधिक रक्तश्राव हुन थालेपछि भने महिलालाई महतरा चिकित्सक भए–नभएकोबारे शंका लाग्यो । सोपछि उनले प्रहरीमा सो विषयमा उजुरी दिइन् ।
क्लिनिक सञ्चालक महतराले प्रहरीसँग आफूले दाँत सम्बन्धीअध्ययन नगरेको स्वीकारेको जिल्ला प्रहरी कार्यालय सुर्खेतका डिएसपी सुरज कार्कीले बताए ।
प्रहरीले उनीविरुद्व ‘इलाजसम्बन्धी कसुर’मा मुद्दा चलाउने तयारी गरिरहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।