जनता समाजवादी पार्टीले एमालेसँग गठबन्धन गरे पनि साे पार्टीका रौतहट अध्यक्ष धर्मेन्द्र पटेल प्रभु साहकाे चुनाव प्रचारमा दलबलसहित सहभागी भएका छन् ।
जसपा अध्यक्ष पटेलले आफ्नो समूहका नेतासहित आइतबार मौलापुर नगरपालिका-१, मर्यादपुरमा आयोजित चुनावी सभामा प्रभु साहको हातबाट टीका माला लगाई अभियानमा सामेल भएका छन् । देवाही गोनाही नगरपालिकाका पूर्वमेयरसमेत रहेका पटेलले गत साता मात्र जसपाको साधारण सदस्यतासमेत त्यागेका थिए ।
पटेलले केपी ओली र उपेन्द्र यादवको अनैतिक राजनीतिका कारण आफू स्वतन्त्र अभियानमा जोडिएको बताएका छन् । केपी ओली मधेसीको सवालमा सदैव अनुदार रहेको भन्दै पटेलले पार्टीले
उनै ओली गठबन्धन गरेपछि आफूहरु प्रभु साहको नेतृत्वमा अगाडि बढ्ने निर्णय गरेको बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
