रौतहटमा जग्गासम्बन्धी विवादका क्रममा गोली चलाउँदा एकजनाको मृत्यु भएको छ । शनिबार गढीमाई नगरपालिका–८, धोबिनियामा दुई पक्षबीच विवाद हुँदा गोली प्रहार गरिएको हाे ।
जिल्ला प्रहरी कार्यालय रौतहटका प्रमुख एवं प्रहरी उपरीक्षक वीरबहादुर बुढामगरका अनुसार गोली लागेर राजकुमार रायको मृत्यु भएको हाे । उपचारका लागि वीरगन्ज लैजाँदा गर्दा उनकाे बाटोमै मृत्यु भएको प्रहरीकाे भनाइ छ ।
गोली लागेर स्थानीय रामप्रताप यादव, कपिलदेव राय यादव र निरञ्जन यादव पनि घाइते पनि भएका छन् ।
घटनामा संलग्न रहेको आरोपमा प्रहरीले केही व्यक्तिलाई नियन्त्रणमा लिएर थप अनुसन्धान गरिरहेकाे जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
