बारा क्षेत्र नम्बर २ उपनिर्वाचनको मतगणनामा जनता समाजवादी पार्टी (जसपा) का अध्यक्ष उपेन्द्र यादवले अग्रता कायमै राखेका छन् । पछिल्लो परिणामअनुसार उनले १० हजार ११९ मत प्राप्त गरेका छन् ।
उनका निकटतम् प्रतिद्वन्द्वी जनमत पार्टीका शिवचन्द्र कुशवाहाले ६ हजार ८०८ मत ल्याएका छन् । कुशवाहाभन्दा यादव ३ हजार ३९१ मतले अगाडि रहेका छन् ।
त्यस्तै, तेस्रो स्थानमा रहेका नेकपा एमालेका पुरुषोत्तम पौडेल ४ हजार ११ मत प्राप्त गरेका छन् । त्यस्तै, चाैथाेमा रहेका राष्ट्रिय स्वतन्त्र पार्टीका रमेश खरेलले १ हजार १७४ मत ल्याएका छन् ।
आइतबार भएको मतदानमा बारा–२ मा ६४ प्रतिशतको हाराहारीमा मत खसेको छ । उक्त निर्वाचन क्षेत्रमा गत मंसिरमा ६३.५६ प्रतिशत मत खसेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।