एसी मिलानलाई हराउँदै इन्टर मिलान १३ वर्षपछि युइएफए च्याम्पियन्स लिगको फाइनलमा प्रवेश गरेको छ ।
गएराति सम्पन्न खेलमा एसीलाई १–० तथा समग्रमा ३–० ले हराउँदै इन्टर १३ वर्षपछि च्याम्पियन्स लिगको फाइनलमा प्रवेश गरेको हो ।
पहिलो लेगमा इन्टर २–० ले विजयी भएको थियो । सानसिरोमा भएको दोस्रो लेगमा इन्टरको जितमा अर्जेन्टिनी फरवार्ड लोउटारो मार्टिनेजले निर्णायक गोल गरे । उनले ७४ औँ मिनेटमा रोमेलु लुकाकुको पासमा गोल गर्न सफल भए ।
अब इन्टरले उपाधिका लागि १० जुनमा रियल मड्रिड र म्यानचेस्टर सिटीबीचको विजेताको सामना गर्नेछ । मड्रिड र सिटीबीचको सेमिफाइनलको दोस्रो लेग बुधबार राति हुँदैछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
