सोमबारदेखि काठमाडौंमा सुरु भएको एनएससी काभा महिला भलिबल च्यालेन्ज कपमा नेपालले विजयी सुरुवात गरेकाे छ। समूह ‘ए’मा नेपालले किर्गिस्तानमाथि ३–० को सोझो सेटमा जित निकाल्दै विजयी सुरुवात गरेको हो ।
त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा भएकाे खेलमा अोपन स्पाइकर उषा भण्डारीसँगै डेब्यु गरिरहेकी संगम महतो र निरुता सानदार प्रदर्शनमा नेपालले सहज जित निकालेकाे हाे ।
सुरुवातमा प्रतिस्पर्धा भए पनि नेपालले ८–७ बाट अग्रता लिँदै पहिलो सेट सहजै २५–११ ले आफ्नो पक्षमा पार्न सफल भयो ।
दोस्रो सेटमा भने नेपालले २५–१९ को प्रतिस्पर्धात्मक जित निकाल्यो । दोस्रो सेटमा पनि नेपालले सुरुवातदेखिको अग्रतालाई कायम राख्दै जित निकाल्न सफल भइन् ।
तेस्रो सेटमा किर्गिस्तानले एक समय अग्रता लिए पनि नेपालले खेलमा फर्कदै २५–११ को सोझो सेटमा जित निकाल्न सफल भयो । ४–६ ले पछि रहेको नेपालले लगातार ११ अंक जोड्दै खेललाई १५–६ को स्थितिमा ल्याएर जिततर्फ अघि बढेको थियो ।
यस जितसँगै नेपालले समूह ‘ए’ मा ३ अंक बटुलेको छ । भारतको पनि ३ अंक छ । बंगलादेश र किर्गिस्तान अंकविहीन छ ।आज नै उज्वेकिस्तान र भारतले पनि विजयी सुरुवात गरिसकेको छ ।
उज्वेकिस्तानले श्रीलंकालाई तथा भारतले बंगलादेशलाई समान ३–० को सोझो सेटमा पराजित गरेको छ । आज नै लिगको अन्तिम खेलमा माल्दिभ्स र काजकस्तानबीच खेल हुनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।