संखुवासभाको हेँवा खोलामा शनिबार राति आएको बाढीले बगाउँदा एक जनाको मृत्यु भएको छ । जिल्ला प्रहरी कार्यालय संखुवासभाका अनुसार बाढीले बगाएर ल्याएको अवस्थामा पाँचखपन नगरपालिका–५ मा एकजनाको शव फेला परेको हो ।
शवको पहिचान हुन बाँकी रहेको छ । चैनपुर नगरपालिका–४ पेङ्कोट र पाँचखपन नगरपालिका–९ मा गएको पहिरोले खोला थुनिएपछि आएको बाढीले बगाउँदा ठूलो जनधनको क्षति भएको हो ।
बाढीले चैनपुर–४ मा निर्माण भइरहेको सुपर हेँवा हाइड्रोमा पूर्णरूपले क्षति पुगेको वाना प्रहरी चौकी प्रमुख टीकाराम राईले जानकारी दिए । उनका अनुसार परियोजनामा काम गर्ने १७ मजदुर सम्पर्कविहीन भएका छन् ।
खोलामा बाढी आएपछि उनीहरू अन्यत्र भागेको वा बाढीमा परेको भनेर यकिन हुन बाँकी रहेको राईले जानकारी दिए । बाढीले पाँचखपन र चैनपुर जोड्ने निर्माणाधीन मोटरेबल पुल पनि बगाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
