राष्ट्रिय प्रजातन्त्र पार्टीका सांसद दीपकबहादुर सिंहले देशमा धार्मिक तथा जातीय द्वन्द्व हुनसक्ने भन्दै त्यसतर्फ सचेत हुनुपर्ने बताएका छन् ।
बिहीवार प्रतिनिधिसभा बैठकमा बोल्दै सांसद सिंहले देशभित्र राष्ट्रिय जनावर गाईलाई काटेर भोज भतेर गरिएकोप्रति असन्तुष्टि व्यक्त गरे ।
सो घटना बाहिरि प्रभावबाट भएको हो कि भन्ने आशंका व्यक्त गर्दै उनले यसप्रति सरकारले कुनै प्रतिक्रिया नदिएकोमा आपत्ति जनए । यही निहुँमा धार्मिक र जातीय द्वन्द्व हुनसक्नेतर्फ सचेत गराए । देशमा धार्मिक तथा जातीय द्वन्द्व भएमा जनयुद्धमा भन्दा धेरै मान्छे काटिने उल्लेख गर्दै त्यस्तो हुन दिन नहुने बताए ।
उनले गाई काट्नेहरुलाई कानुनी कारबाही गर्न माग गरे ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।