भारतले चन्द्रयान ३ सफलतासँगै सूर्य अवलोकन मिसनको सुरुवात गरेको छ । चन्द्रमाको दक्षिणी ध्रुवमा चन्द्रयान ३ सकुशल अवतरण गराएर इतिहास कायम गरेको केही दिनमै भारतले सूर्यको अवलोकन अभियान शुभारम्भ गरेको हो ।
भारतले स्थानीय समय अनुसार आज बिहान ११ बजेर ५० मिनेटको समयमा आदित्य एल–१, सूर्यको अवलोकनका लागि प्रक्षेपण गरेको हो । आन्ध्र प्रदेशको श्रीहरिकोटको प्रक्षेपण प्याडबाट सूर्यको अध्ययनको लागि यान पठाइएको हो ।
सो यानले अबको चार महिनामा सूर्यतर्फको नौ लाख ३२ हजार माइलयात्रा पूरा गर्ने भारतीय स्पेश एजेन्सीलाई उद्धृत गर्दै बिबिसीले जनाएको छ । संस्कृतमा अदित्यको अर्थ सूर्य हुन्छ । हिन्दु धर्ममा सूर्यलाई देवताका रुपमा पूज्ने गरिन्छ । सूर्य मिसनका लागि सौर्ययान नै त्यसतर्फ पठाएको भारतीय सञ्चार माध्यमले जनाएका छन् ।
यानले पृथ्वीको गतिमा सूर्यको परिक्रमा गर्ने बताइएको छ । आदित्यएल–१ सूर्यको लागि भारतको पहिलो मिसन हो । धेरै देशहरूले पहिले नै सूर्य अध्ययन गर्न मिसनहरू पठाइसकेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
