शुक्रबार मुगुमा भएको तीन सन्तानसहित आमाको हत्या प्रकरणमा अनुसन्धान हत्याराको नजिक पुगेको प्रहरीले जनाएको छ। जिल्लाको छायानाथ रारा नगरपालिका– ६ स्थित मुन्दुगाउँमा भएको सो हत्याको अनुसन्धानका लागि प्रहरीले कुकुरसहित प्रहरी टोली परिचालन गरेको छ ।
प्रहरीले महत्वपूर्ण प्रमाण फेला पारिसकेको र अझै थप प्रमाणका लागि अनुसन्धान जारी राखेको जिल्ला प्रहरी कार्यालय मुगुका प्रमुख प्रहरी नायब उपरीक्षक वीरेन्द्र थापाले जानकारी दिएका छन् । अनुसन्धानको नजरमा परेकाहरू घटनामा संलग्न रहेको प्रमाण जुटेपछि मात्रै नियन्त्रणमा लिएर जानकारी दिने उनले बताए ।
सम्भवतः आइतबारै चारै शवको पोस्टमार्टम हुने उनले बताए। हत्यारा पत्ता लगाउन नेपाल प्रहरीको विशेष अनुसन्धान टोली परिचालित छ। हत्या गरिएका चारैजनाको शव जिल्ला अस्पताल मुगुमा राखिएको छ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।