मधेश प्रदेशका ब्याटर मयन यादवले प्रधानमन्त्री कप एकदिवसीय क्रिकेट प्रतियोगितामा शतकीय पारी खेलेका छन् । उनले सोमबार सुदूरपश्चिम प्रदेशविरुद्ध १२८ बलमा ८ चौका र २ छक्काको मद्दतमा १ सय १५ रनको पारी खेलेका हुन् ।
राष्ट्रिय प्रतियोगितामा मयनको यो पहिलो शतक हो । उनकै शतकीय पारीको मद्दतमा मधेशले सुदूरपश्चिमलाई ३ सय २० रनको बलियो लक्ष्य दिएको छ ।
उसका लागि मयनले ११५ सहित पवन सर्राफले ७०, अनिल साहले ६९, रुपेश सिंहले २१, अभिषेक तिवारीले १६ र कप्तान हरिशंकर साहले १४ रन जोडे ।
सुदूरपश्चिमका लागि युवा अलराउन्डर शेर मल्लले १० ओभरमा ६५ रन दिएर सर्वाधिक चार विकेट लिए । यस्तै, नारायण जोशी र गजेन्द्र बोहराले एक/एक विकेट हात पारे ।
जारी प्रतियोगितामा सुदूरपश्चिमले तीन म्याच खेल्दा सबैमा जित निकालेको छ । यस्तै, मधेश प्रदेशले पाँच खेल खेल्दा तीनमा जित र दुई खेलमा जित हात पारेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
