नेकपा (माओवादी केन्द्र)की सांसद दुर्गा राईले दलहरूबीच हुने भागबन्डा गठबन्धनको नाममा संविधानको मूल मर्म विपरीत प्रयोग भएको बताएकी छन् ।
आइतबार बसेको प्रतिनिधिसभा बैठकको शून्य समयमा भाग लिँदै उनले धारा ७० मा व्यवस्था गरिएको राष्ट्रपति र उपराष्ट्रपति फरक लिङ्ग ‘वा’ समुदायको हुने भन्ने ठाउँमा ‘र’ राखी संशोधन गर्न माग गरिन् ।
उनले भनिन्,‘दलहरूबिच हुने भागबन्डा वा गठबन्धनको नाममा आजसम्म यसले संविधानको मूल मर्ममा प्रहार भएको छ । ५१ प्रतिशत महिला अधिकारको हनन भएको छ । धारा ७० मा व्यवस्था गरिएको राष्ट्रपति र उपराष्ट्रपति फरक लिङ्ग ‘वा’ समुदायको हुने भन्ने ठाउँमा ‘र’ राखेर संशोधन गरौँ भनी अनुरोध गर्दछु ।’
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
