आउँदो १५ वैशाखमा हुन लागेको उपनिर्वाचनका लागि आज उमेदवारको अन्तिम नामावली प्रकाशन गरिँदै छ । निर्वाचन आयोगले दिउँसो ३ बजेसम्म उमेदवारको अन्तिम नामावली प्रकाशन गर्न लागेको हो ।
आयोगले मंगलबार अपरान्ह ५ बजेसम्म निर्वाचन चिह्न प्रदान गर्ने कार्यतालिका छ । त्यसअघि आयोगले उम्मेदवारी फिर्ता गर्न चाहेनका लागि बिहान ९ देखि दिउँसो १ बजेसम्म समय निर्धारण गरेको छ । उपनिर्वाचन हुने इलाम–२ मा २० र बझाङ १ (१) मा १२ जनाले उम्मेदवारी दर्ता गराएका आयोगले जनाएको छ ।
इलाम–२ मा एमालेका सुवासचन्द्र नेम्वाङको निधनपछि तथा बझाङ–१ (१) मा नेपाली कांग्रेसका पृथ्वीबहादुर सिंहको निधनपछि उपचुनाव हुन लागेको हो । जसका लागि आयोगले १५ वैशाखको बिहान ७ देखि अपरान्ह ५ बजेसम्म मतदानको समय निर्धारण गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।