नेपाली कांग्रेसले गण्डकी प्रदेशमा सभामुखको समेत हस्ताक्षर गराएर मुख्यमन्त्री नियुक्त भएकाे भन्दै सर्वोच्च अदालतमा रिट दायर गरेकाे छ ।
आइतबार एमालेका २२, माओवादीका सभामुखसहित आठ र स्वतन्त्र सांसद राजीव गुरुङ (दीपक मनाङे) सहितको समर्थनमा नेकपा एमालेका खगराज अधिकारी मुख्यमन्त्रीमा नियुक्त भएका थिए ।
कांग्रेसका सुरेन्द्रराज पाण्डेले आज सर्वोच्च अदालतमा रिट दायर गर्दै एमालेका अधिकारीको नियुक्ति बदर गरी आफूलाई मुख्यमन्त्री पदमै निरन्तरताका लागि अन्तरिम आदेशसहितको परमादेश जारी गर्न माग गरेका छन् ।
एमालेका अधिकारीलाई मुख्यमन्त्री नियुक्त गर्नु असंवैधानिक भएको निवर्तमान मुख्यमन्त्री पाण्डेको दाबी छ । सभामुख कृष्ण धितालको समेत हस्ताक्षरसहित अधिकारीले दाबी पेस गरेपछि प्रदेश प्रमुख डिल्लीराज भट्टले अधिकारीलाई मुख्यमन्त्री नियुक्त गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
