नेपाल समाजवादी पार्टीका अध्यक्ष डा. बाबुराम भट्टराईले गोरखाको कांग्रेस नेता चन्द्रप्रसाद न्यौपानेको निधनप्रति दुःख व्यक्त गरेका छन् । डा. भट्टराईले सामाजिक सञ्जालमार्फत स्वर्गीय न्यौपानेप्रति श्रद्धाञ्जली अर्पण गर्दै शोकसन्तप्त परिवारजनमा गहिरो समवेदना प्रकट गरेका हुन् ।
डा. भट्टराई र स्वर्गीय न्यौपाने नाताले मामा–भान्जा हुन् । ०६४ सालको संविधानसभा निर्वाचनमा स्व. न्यौपाने नेपाली कांग्रेसबाट र डा. भट्टराई नेकपा माओवादीबाट उम्मेदवार भई आपसमा प्रतिस्पर्धा गरेका थिए । सो निर्वाचनमा डा. भट्टराई भारी मतान्तरका साथ निर्वाचित भएका थिए ।
सो प्रसंग उल्लेख गर्दै डा. भट्टराईले लेखेका छन्,–२०६४ को संविधानसभा निर्वाचनमा मामा–भान्जा अलग–अलग पार्टीबाट प्रतिस्पर्धा गरेको प्रसंग राष्ट्रिय समाचार बने पनि हाम्रो निजी र पारिवारिक सम्बन्ध हमेसा सुमधुर रह्यो।
उनले थप लेखेका छन्–निरंकुश पन्चायती कालरात्रीको वेलादेखि निरन्तर लोकतान्त्रिक आन्दोलनमा सतीसालझैं उभिँदै आउनुभएका वहॉको हाम्रो गाउॅघर र परिवारमा राजनीतिक चेतना जगाउनुमा अग्रणी भूमिका रहेको हामी सदैव सम्झना र सम्मान गरिरहनेछौँ।
न्यौपानेको राजनीतिक निष्ठा र निष्कलंक जीवन हामी सबैका निम्ति निरन्तर प्रेरणाको स्रोत रहिरहने भट्टराईले उल्लेख गरेका छन् ।
हाम्रा आदरणीय मामा तथा नेपाली कांग्रेस, गोरखाका कर्मठ नेता चन्द्रप्रसाद न्यौपानेको आज ( वैशाख ३ ) भएको दुःखद निधनमा वहाॅप्रति हार्दिक श्रद्धान्जली तथा शोकसन्तप्त परिवारजनमा गहीरो समवेदना!
— Baburam Bhattarai (@brb1954) April 15, 2024
निरंकुश पन्चायती कालरात्रीको वेलादेखि निरन्तर लोकतान्त्रिक आन्दोलनमा सतीसाल झैं उभिंदै… pic.twitter.com/XVC8Pu31sg
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।