एजेन्सी– यमनमा कोरोनभाइरस संक्रमित एकजना भेटिएका छन् । एकजनामा कोरोनाभाइरस संक्रमण देखिँदा नै अब विश्व त्रसित भएको छ, विभिन्न एजेन्सीहरुले चिन्ता व्यक्त गरेका छन् ।
आखिर किन ?
किनकि यमनले लामो समयदेखि गृहयुद्धको सामाना गरिरहेको छ । अनि त्यहाँ स्वास्थ्य संस्था तथा सुविधाको अवस्था अत्यन्त नराम्रो छ ।
गैरसरकारी संस्था अक्सफामले यसलाई ठूलो झट्का मात्र भनेको छैन, यो अत्यन्त नराम्रो सपनाजस्तो भएको अवस्था पनि भएको बताएको छ ।
अहिले पनि यमन अत्यन्त नराम्रो मानवीय संकटका कारण जुधिरहेको छ । यहाँको एउटा ठूलो समय खाद्य संकटको सामाना गरिरहेको छ । अनि यमन अहिले पनि खाद्य सहायतामा आश्रित छ ।
यतिमात्र होइन, अहिले पनि हैजा, डेंगु तथा मलेरियाजस्ता गम्भीर बिमारहरुसँग अहिले जुधिरहेको छ । अनि त्यहाँ भएका आधाभन्दा कम अस्पतालहरुमा मात्रै अहिले काम भइरहेको छ । त्यसैले पनि यमनमा थप संकट आउने बताइएको हो ।
यमनमा हुथी विद्रोहीसँग लडिरहेको साउदी अरबको नेतृत्वको गठबन्धनले अहिले युद्धविरामको घोषणा गरेको छ । अनि उनीहरुले यो भाइरस संक्रमण रोक्नका लागि आफूहरुले पहल गर्ने पनि बताएका छन् ।
यमनको राष्ट्रिय आपतकालीन समितिले शुक्रबार कोरोनाभाइरस संक्रमित भएका व्यक्ति ६० वर्षका भएको पनि जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।