सरकारी स्वामित्वको नेपाल बैंक लिमिटेडले ८४औं वार्षिकोत्सवका सन्दर्भमा विभिन्न सेवा निःशुल्क गरेको छ ।
नेपाल बैंकले कात्तिक १ गतेदेखि लागू हुनेगरी मोबाइल बैंकिङ, इन्टरनेट बैंकिङलगायत सेवा निशुल्क गरेको हो ।
त्यस्तै, बैंकले अब उप्रान्त डिम्याट खाता खोल्न, मेरो सेयर सेवा, आस्वा सेवा सुरु गर्न र भिसा डेबिट कार्ड पनि निःशुल्क नै उपलब्ध गराउने घोषणा गरेको छ ।
विसं १९९४ कात्तिक ३० गतेबाट सेवा सुरु गरेको नेपाल बैंकको नेपालभर १ सय ९१ शाखा छन् । बैंकको १ सय २६ एटिएम र ३६ वटा एक्सटेन्सन काउन्टर छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
