कोरोना संक्रमण भएर अस्पतालमा उपचाररत हास्यकलाकार मनोज गजुरेलले आफ्नो स्वास्थ्यमा पहिलेभन्दा अहिले धेरै सुधार भएको जानकारी गराएका छन् । उनले सामाजिक सञ्जालमार्फत सो जानकारी दिएका हुन् ।
कात्तिक १० गते कोरोना संक्रमण पुष्टि भएपछि केही दिन घरमै आइसोलेसनमा बसेका गजुरेलको स्वास्थ्यमा गम्भीर समस्या देखिएपछि उनी बलम्बुस्थित सशस्त्र प्रहरी अस्पतालमा भर्ना भई उपचार गराइरहेका छन् ।
अचानक फोक्सोमा समस्या देखिएर शरिरमा अक्सिजन लेभल कम भएपछि उनी बिहीबार सशस्त्र प्रहरी अस्पताल भर्ना भएका थिए ।
उनको अवस्थालाई लिएर सामाजिक सञ्जालमा विभिन्न हल्ला फैलिएपछि शनिबार उनको परिवारले मनोजको स्वास्थ्यमा सुधार भइरहेको जानकारी दिएको थियो ।
आइतबार मनोज आफैँले फेसबुकमा लेखेका छन्–
आराम छु,आरामको कामना गर्दछु। हिजोभन्दा आज धेरै राम्रो भइरहेको छ। स्वास्थ्यलाभको कामना गर्नु हुने सबैमा धन्यबाद।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।