छिमेकी राष्ट्र भारतमा अस्पतालमा रहेको अक्सिजन ट्यांक लिक हुँदा सोही अस्पतालमा उपचाररत २२ जनाको निधन भएको छ । महाराष्ट्रको नासिकस्थित एक अस्पतालमा अक्सिजन ट्यांक लिक हुँदा भेन्टिलेटरमा उपचार गराइरहेका २२ जनाको मृत्यु भएको हो ।
भारतीय सञ्चारमाध्यमका अनुसार नासिकको जाकिर हुसैन अस्पतालमा अक्सिजन ट्यांक लिक हुँदा उपचाररत २२ जनाको ज्यान गएको छ । नासिकका जिल्लाधिकारी सुरज मांढरेले उक्त खबर पुष्टि गरेका छन् ।
अक्सिजन ट्यांक लिक भएपछि अस्पतालमा अक्सिजनको वितरण करिब ३० मिनेटसम्म रोकिएको थियो । जसका कारण २२ जनाको ज्यान गएको छ भने ३५ जनाको अवस्था गम्भीर रहेको समाचारमा जनाइएको छ ।
बिरामीहरूलाई अक्सिजन दिइरहेको ट्यांक लिक हुँदा उनीहरूमा अक्सिजन कमी भएकाले निधन भएको हुनसक्ने बताइएको छ । उक्त घटनाको अस्पताल र जिल्ला प्रशासनले छुट्टाछुट्टै अनुसन्धान सुरु गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
