शुक्रबार मात्रै केपी ओली सरकारको मन्त्री नियुक्त भएका जसपा नेता राजेन्द्र महतोको अभिव्यक्तिप्रति एमाले नेता वामदेव गौतमले आपत्ति जनाएका छन् ।
गौतमले शनिबार सामाजिक सञ्जालमार्फत आफ्ना धारणा राख्दै महतोको अभिव्यक्तिबाट दुखी भएको बताएका हुन् ।
‘राजेन्द्र महतोले संविधानको मर्मविपरीत कार्य गर्नेछैन भनी शपथ ग्रहण गरेको आधा घण्टा नबित्दै नेपाललाई बहुराष्ट्र र बहुराज्य बनाउने मुक्ति आन्दोलन आफूले अहिले पनि सञ्चालन गरिरहेको भनेको सुन्दा म अत्यन्त दुखी भएको छु’ गौतमले भनेका छन् ।
नेपालको संविधानले नेपाललाई जातीय भाषिक विविधता भएको एक राष्ट्र र एक राज्यका रुपमा व्याख्या गरेकाले बहुराष्ट्र बनाउने भन्ने महतोको अभिव्यक्ति आपत्तिजनक रहेको गौतमको भनाइ छ।
अहिले पनि उनको आशय नेपाललाई विखण्डन गर्ने देखिएको आरोप उनले गौतमले लगाएका छन् ।
‘नेपाललाई विघटन गर्ने आन्दोलन कुनैपनि देशभक्त नेपालीका निम्ति स्वीकार्य हुन सक्दैन’ गौतमको भनेका छन्, ‘राजेन्द्र जीको त्यो मागलाई अस्वीकार र विरोध मात्र गर्न सकिन्छ ।’
राजेन्द्र महतोले सञ्चालन गरिरहेको मुक्ति आन्दोलनका सम्बन्धमा प्रधानमन्त्री ओलीले अनभिज्ञता प्रकट गरेको सुन्दा आश्चर्यचकित भएको गौतमले बताएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
