घरेलु मैदानमा जारी त्रिकोणात्मक टी-२० अन्तर्राष्ट्रिय शृंखलाअन्तर्गत नेपालले आज (बिहीबार) तेस्रो खेलमा पपुवा न्युगिनी (पिएनजी) सँग प्रतिस्पर्धा गर्दैछ ।
खेल त्रिवि क्रिकेट मैदानमा साढे १२ बजे सुरु हुनेछ ।
सन्दीप लामिछानेको कप्तानीमा रहेको नेपाल आज पिएनजीलाई हराएर एक खेलअघि नै फाइनल पुग्न चाहन्छ ।
‘हाम्रो लक्ष्य भनेकै लगातार चार खेल जित्दै घरेलु मैदानमा शृंखला उचाल्ने हो’ , बुधबार मलेसियालाई पराजित गरेपछि कप्तान सन्दीपले भने ।
सिरिजको पहिलो खेलमा नेपालले पिएनजीलाई १५ रनले हराउँदा दोस्रो खेलमा बुधबार मलेसियालाई ६ विकेटले हराएको थियो ।
नेपाल २ खेलबाट ४ अंक जोडेर तालिकाको शीर्ष स्थानमा छ । पिएनजीले अंक जोड्न सकेको छैन । पिएनजी पुछारमा छ ।
मलेसिया १ जित र १ हारसँगै २ अंककासाथ तालिकाको दोस्रो स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।