चितवनको भरतपुरमा जारी राष्ट्रिय महिला लिग अन्तर्गत शनिबारको खेलमा विभागीय टोली नेपाल पुलिस क्लब विजयी भएको छ ।
पुलिसले लतितपुर महानगरपालिकामाथि ३-० को सहज जित हात पारेको हो । उसलाई जित दिलाउन निरु थापाले दुई तथा अमृता जैसीले एक गोल गरे ।
पहिलो हाफ गोलरहित बराबरीमा सकिएको खेलको ५३ औं मिनेटमा निरुकाे गोलमार्फत् पुलिसले अग्रता लिएको थियो ।
७४ औं मिनेटमा निरुले नै पेनाल्टीमार्फत् टोलीको अग्रता दोब्बर बनाइन् ।
८० औं मिनेटमा अमृताले गोल गर्दै पुलिसलाई ३-० को सहज जित दिलाइन् ।
यो जितसँगै दोस्रो स्थानमा रहेको पुलिसले ६ खेलमा १५ अंक जोड्दा पराजित ललितपुर समान खेलबाट तीन अंकका साथ छैटौं स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
