सांसद अमरेशकुमार सिंहविरुद्ध अख्तियार दुरुपयोग अनुसन्धान आयोगमा उजुरी परेको छ। अकुत सम्पत्ति जम्मा गरेको विषयमा अनुसन्धान गरी आवश्यक कारबाहीको माग उनीविरुद्ध उजुरी परेको हो ।
सर्लाहीका विकास कुमार ठाकुरले अमरेशविरुद्ध अख्तियारमा उजुरी दिँदै राजनीतिबाहेक अन्य पेसा व्यवसायमा समेत संलग्न नहुँदासमेत अकुत सम्पत्ति जम्मा गरेको भन्दै अनुसन्धान गर्न माग गरेका छन् ।
नेपाली कांग्रेसबाट राजनीति गर्दै आएका सिंह गत मंसिर ४ को निर्वाचनमा भने स्वतन्त्रबाट सर्लाही ४ बाट विजयी भएका थिए । कांग्रेस पार्टीले टिकट नदिएपछि उनले स्वतन्त्रबाट चुनाव लडेर जितेका थिए।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।