राष्ट्रिय प्रजातन्त्र पार्टीका उपाध्यक्ष रवीन्द्र मिश्रले एउटै व्यक्ति पाँचपटक प्रधानमन्त्री बन्नु लज्जाको कुरा भएको तर्क गरेका छन् ।
आइतबार काठमाडौंमा आयोजित ‘आजको सन्दर्भमा राष्ट्रिय मेलमिलाप नीतिको अन्तर्य र औचित्य’ विषयक विचार गोष्ठी कार्यक्रममा उनले पाँचचोटि प्रधानमन्त्री हुनु गौरवको कुरा नभई लजास्पद कुरा भएको तर्क गरेका हुन् ।
‘आर्थिक अवस्था न्यून छ र नेताहरु कुनै पनि बेला पाँचचोटि बाट सातचोटिसम्म प्रधानमन्त्री बन्न तयार भएर बसेका छन् ।
पाँचपटक प्रधानमन्त्री हुनु गौरवको कुरा हैन लजास्पद कुरा हो,’ उनले भने, ‘तीनचोटि चारचोटि मन्त्री हुनु भनेको लज्जाको कुरा हो । त्यो गर्वको कुरा होइन । त्यो भनेको देशलाई अस्थिर बनाएको र प्रधानमन्त्री भएर पनि केही गर्न नसकेको प्रमाण हो ।’
धेरैपटक प्रधानमन्त्री हुनुभन्दा आफ्नो नेतृत्वमा के काम भयो भन्ने कुरा महत्वपूर्ण भएको उनको भनाइ छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।