फ्रेन्च क्लब पेरिस सेन्ट जर्मेन (पिएसजी) युईएफए च्याम्पियन्स लिगको क्वाटरफाइनलमा प्रवेश गरेको छ ।
मंगलबार राति स्पेनिस क्लब रियल सोसिडाडलाई राउन्ड अफ सिक्सटिनको दोस्रो लेगमा २–१ गोल अन्तरले पराजित गरेपछि पिएसजीले समग्रमा ४–१ को नतिजासहित क्वाटरफाइनलमा स्थान बनाएको हो ।
पिएसजीले रियल सोसिडाडलाई पहिलो लेगमा २–० तथा मंगलबार राति भएको दोस्रो लेगमा २–१ ले हरायो । दोस्रो लेगमा पिएसजीका लागि दुवै गोल केलियन एम्बाप्पेले गरे । खेलको १५ औँ मिनेटमा ओस्मन डिम्बेलेको पासमा एम्बाप्पेले गोल गर्दै पिएसजीलाई अग्रता दिलाएका थिए ।
५६ औँ मिनेटमा ली काङको पासमा एम्बाप्पेले नै दोस्रो गोल गर्दै पिएसजीको अग्रता दोब्बर बनाए । ८९ औँ मिनेटमा रियर सोसिडाडका लागि मिकेल मेरिनोले गोल फर्काए पनि हार टार्न पर्याप्त भएन ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।