नेकपा एमालेमा ७० वर्षे उमेर पूरा हुने बेलासम्म पार्टीको उम्मेदवार हुन पाउने भएको छ ।
विधान महाधिवेशन विभिन्न १० वटा समूहले दिएको सुझावको जवाफ दिँदै उपमहासचिव एवम् संगठन विभाग प्रमुख विष्णु पौडेलले सो कुराको जानकारी दिएका हुन् । एमालेमा ७० वर्षे उमेरहदको विषयले चर्चा पाउँदै आएको छ ।
पौडेलका अनुसार ७० वर्ष उमेर पूरा नहुनेबेलासम्म उम्मेदवारी दिन सकिने व्यवस्था विधानमा गरिएको छ । ‘७० वर्ष उमेर पूरा नहुँदासम्म उम्मेदवार हुन पाउने, कार्यकालको बीचमा पूरा भयो भने आफू निर्वाचित रहेको पदमा रहेर काम गर्न पाउनेछ,’ पौडेलले भने ।
‘केन्द्रीय विभागमा सदस्यहरु राख्दा योग्य, विज्ञ हुनुपर्यो भनिएको छ, त्यो ठिक छ,’ पौडेलले भन,े ‘अब एमाले केन्द्रमा महाधिवेशनबाट निर्वाचित केन्द्रीय कमिटी हुनेछ । त्यसपछि स्थायी कमिटी र सचिवालय तीनवटा तह हुनेछ ।’
ठूला र भद्दा कमिटीहरूले गर्दा पार्टी संगठन लथालिङ्ग भएको पौडेलले जवाफ दिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।