रौतहट सदरमुकाम गौरको एक विद्यालयमा विद्यार्थीले नै तोडफोड गर्नुका साथै आगजनी गरेका छन् । गौरस्थित जुद्ध उच्च माविमा विद्यार्थीले शुल्क उठाएको भन्दै तोडफोड र आगजनी गरेका हुन् ।
साथै, विद्यार्थीले विद्यालयमा रहेका खानेपानीका ट्याङ्की पनि तोडफोड गरेका छन् ।
विद्यालयले नेपाली माध्यममा पढ्ने विद्यार्थीलाई निःशुल्क र अंग्रेजी माध्यममा पढ्ने विद्यार्थीसँग मासिक शुल्क, भर्ना शुल्क, परीक्षा शुल्क र पाठयपुस्तकको समेत शुल्क लिने गरेको विद्यार्थीको गुनासो छ ।
गौर नगरपालिका कार्यालयले समेत कुनै पनि बहानामा शुल्क नउठाउन पत्राचार गरे पनि जुद्ध माविले नटेरेको विद्यार्थीको आरोप छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।