सत्तारुढ पाँच दलीय गठबन्धनले आगामी प्रतिनिधिसभा तथा प्रदेश सभा निर्वाचनका लागि निर्वाचन क्षेत्रको बाँडफाँट अझै टुंग्याउन सकेको छैन ।
मंगलबार बसेको सत्तारुढ गठबन्धनको बैठकले पनि यसमा कुनै सहमति निकाल्न सकेन ।
यतिका दिनसम्म एउटै विषयमा बारम्बार बैठक बसिरहे पनि दलहरुले आआफ्नै अडान दोहोर्याउँदा यो सहमति जुट्न नसकेको हो । अहिलेसम्म प्रतिनिधिसभाका १६५ सिटमध्ये १०० सिटमा प्रारम्भिक सहमति जुटेको नेपाली कांग्रेसका एक नेता बताउँछन् ।
उनका अनुसार पछिल्लो समय यी सयमध्ये कांग्रेसले ६५ सिटमा टिकट पाउने सम्भावना बढेको छ । त्यस्तै, माओवादीले २०, नेकपा एकीकृत समाजवादीले ७, जनता समाजवादी पार्टीले ७ सिटमा टिकट पाउने प्रारम्भिक सहमति भएको छ ।
बाँकी ६५ सिटमा दुईभन्दा बढी दलले दाबी गरेकाले यसमा सहमति जुट्न नसकेको ती नेताले बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।