१०औँ संस्करणको एसिसी यू–१९ एसिया कपको सेमिफाइनलमा यूएईविरुद्ध पाकिस्तानले खराब ब्याटिङ गरेको छ । १९३ रनको लक्ष्य पछ्याइरहेको पाकिस्तानले डेढ सय रन नकटाउँदै महत्वपूर्ण ७ विकेट गुमाइसकेको छ ।
अहिलेसम्म शमिल हुसेन (शून्य), शाहजैब खान (११), अजान अवैस (४१), साद बेग (५०), रियाज उल्लाह (४), अराफात मिन्हास (८) र नजाब खान (३) आउट भइसकेको छन् ।
यो समाचार तयार पार्दासम्म पाकिस्तानले ३९ ओभरमा ७ विकेट गुमाएर १ सय ४२ रन बनाएको छ । त्यसअघि दुबईस्थित आइसिसी एकेडेमीको मैदानमा टस हारेर ब्याटिङको निम्तो पाएको यूएई ४७.५ ओभरमा १ सय ९३ रनमा अलआउट भयो ।
उसका लागि कप्तान आयान अफ्जल खानले ५५, आर्यंश शर्माले ४६, इथान डिसुजाले ३७, ध्रुव पराशर र तनिश सुरीले १२/१२ रन जोडे । पाकिस्तानका लागि उबैद साहले चार, अलि अशफन्द, अराफत मिन्हाशले दुई/दुई तथा आमिर हुसेन र मोहम्मद जीशानले एक/एक विकेट लिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
