विद्युत प्राधिकरणको कार्यशैली प्रति उद्योगीले आपत्ति जनाएका छन् । विद्युत कटौतीको उनीहरूले विरोध गरेका हुन् ।
प्राधिकरणले औद्योगिक क्षेत्रमा बिहान ६ बजेदेखि १० बजेसम्म र बेलुका ५ बजेदेखि राति १० बजेसम्म दैनिक विद्युत कटौती गरिरहेको भए पनि त्यस बाहेक अन्य समयमा पनि विद्युत कटौती हुने गरेको उद्योगीको गुनासो छ ।
विद्युत प्राधिकरण दुहबी ग्रिडमा धर्ना दिँदै व्यवसायीहरूले नियमित बिजुली दिन नसके लोडसेडिङ तालिका सार्वजनिक गर्न माग पनि गरेका छन् । आइतबार मोरङ व्यापार संघको अगुवाइमा उद्योगीहरूले विरोध जनाएका हुन् ।
समय-समयमा विद्युत कटौती हुँदा उद्योगको कच्चा पदार्थमा क्षति पुग्ने गरेको उनीहरूको गुनासो छ । उद्योगी व्यवसायीले आफ्ना समस्या उल्लेख गर्दै दुहबी ग्रिडका प्रमुख रोशन खड्कालाई ज्ञापन पत्रसमेत बुझाएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
