इन्टर मायमी लिग्स कप २०२३ को अन्तिम १६ मा प्रवेश गरेको छ । ओर्लान्डो सिटीलाई ३–१ गोल अन्तरले हराउँदै मायमी अन्तिम १६ मा प्रवेश गरेको हो ।
मायमीको जितमा कप्तान लिओनल मेस्सीले २ र जोसे मार्टिनेजले १ गोल गरे । ओर्लान्डोका लागि सेजार अराउजोले बराबरी गोल फर्काए ।
खेलको सातौं मिनेटमा मेस्सीले इन्टरलाई अग्रता दिलाएका थिए । १७औँ मिनेटमा सेजार अराउजोले गोल गर्दै खेललाई १–१ को बराबरीमा ल्याए । दोस्रो हाफको सुरुवातमा जोसे मार्टिनेजले पेनाल्टीमा गोल गर्दै मायमीलाई २–१ ले अघि बढाए ।
७२औँ मिनेटमा मेस्सीले व्यक्तिगत दोस्रो गोल गर्दै मायमीलाई ३–१ ले जित दिलाए । जारी प्रतियोगितामा उनको यो पाँचौ गोल हो । अब मायमीले क्वाटरफाइनल प्रवेशका लागि एफसी डालाससँग खेल्नेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
