यूएईमा जारी एसिसी यू–१९ एसिया कप क्रिकेटमा अफगानिस्तानविरुद्ध नेपाली बलर चौथो विकेटका लागि संघर्ष गरिरहेका छन् ।
अफगानिस्तानले ३३ रन बनाएको अवस्थामा महत्वपूर्ण तीन विकेट गुमाएको थियो । तर, चौथो विकेटका लागि अफगानिस्तानले अर्धशतकीय साझेदारी गरिसकेको छ । यो समाचार तयार पार्दासम्म क्रीजमा रहिमुल्लाह जुर्मती (२७) र जमशीद जद्रान (३४) रहेका छन् ।
नेपाललाई दोस्रो र तेस्रो सफलता हेमन्त धामीले दिलाए । उनले ३.२ ओभरमा खालिद तानिवाललाई १० र यही ओभरको तेस्रो बलमा अक्रम मोहम्मदजाई शून्यमै बोल्ड गरे ।
नेपाललाई सफलता अलराउन्डर गुलशन झाले दिलाए । उनले १.५ ओभरमा वफीउल्लाह तराखिललाई १५ रनमा क्याच आउट गराए ।
दुबईस्थित आइसिसी एकेडेमीको मैदानमा जारी खेलमा नेपालले टस जितेर पहिला फिल्डिङ गरिरहेको हो । नेपालले आज प्लेइङ–११ मा दुई खेलाडी परिवर्तन गरेको छ ।
नेपालले आज स्पिनर तिलकराज भण्डारी र विशाल विक्रम केसीलाई विश्राम दिएर हेमन्त धामी र दीपक बोहरालाई मौका दिएको हो । दुवै टिम प्रतियोगितामा पहिलो जितको खोजीमा छन् । नेपालले पहिलो खेलमा पाकिस्तान तथा अफगानिस्तानले भारतसँग समान ७ विकेटको हार बेहोरेका थिए ।
दोस्रो खेलमा भने नेपाल र अफगानिस्तान उत्कृष्ट कमब्याक गर्न चाहन्छन् । पहिलो खेलमा नेपालले बलिङमा राम्रो सुरुवात गरे पनि ब्याटिङमा भने लय भेट्टाउन सकेन ।
नेपालको प्लेइङ–११ : अर्जुन कुमाल, दीपक बोहरा, आकाश त्रिपाठी, गुलशन झा, देव खनाल (कप्तान), दीपेश कँडेल, सुवास भण्डारी, उत्तम थापा मगर, विपिन रावल (विकेटकिपर), हेमन्त धामी र आकाश चन्द ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
